სირთულე
ეს ბილიკი არის საშუალო სირთულის. პირველ დღეს ძირითადი დაბრკოლება მაღალი ბალახები და მუხლამდე მდინარის გადაკვეთაა. მეორე დღეს კი აღმართი 700 მეტრიანი სიმაღლის ცვალებადობით. მესამე დღეს წინა დღეებში გავლილი უკან უნდა გამოვიაროთ, თუმცა უკვე დაღმართი და გათელილი ბილიკი გვექნება. ნებისმიერი ზრდასრული და ჯანმრთელი ადამიანი დაძლევს ამ ბილიკს. თუ თქვენი კონდიციების ამ ტურთან თავსებადობის გადამოწმება გსურთ, დაგვეკონტაქტეთ და პირადად დააზუსტეთ.
განრიგი
დღე 1: ტრანსფერი ჭუბერში. ორმელეთის ხეობაში შესვლა.
მანძილი 3.3 კმ. ასაწევი სიმაღლე 100მ.
დილით ადრე გავემგზავრებით თბილისიდან ჩრდილო-დასავლეთით, სვანეთში. ჭუბერში გადავბარგდებით მაღალი გამავლობის მანქანებში და შევალთ ორმელეთის ხეობაში. 2-3 საათი მთის გზაზე მგზავრობის შემდეგ მანქანებს დავტოვებთ და ფეხით გავაგრძელებთ ტყის ბილიკზე მოძრაობას. საღამოს მდინარის პირას გავშლით ბანაკს, ვივახშმებთ და ღამეს გავათევთ კარვებში.
დღე 2: ლაშქრობა ოქროწყლის ტბამდე.
მანძილი 4.3 კმ. ასაწევი სიმაღლე 700მ.
დილით საუზმის შემდეგ განვაგრძობთ ლაშქრობას ოქროწყლის ტბისკენ. ამ დღეს გვაქვს ყველაზე რთული აღმართი. 1740 მეტრიდან 2430 მეტრზე ავალთ, სადაც დაგვხვდება ულამაზესი დიდი ოქროწყლის ტბა. ტბის პირას დავბანაკდებით და დარჩენილ დღეს გავატარებთ გარემოს დათვალიერებაში. ღამეს გავათევთ კარვებში.
დღე 3: დაბრუნება ჭუბერში. ტრანსფერი თბილისში.
მანძილი 7.6 კმ. დასაწევი სიმაღლე 800მ.
დილით საუზმის შემდეგ დავიწყებთ ლაშქრობას უკან, ორმელეთის ხეობისკენ. დავბრუნდებით მანქანებთან, საიდანაც გამოვემგზავრებით ჭუბერში და იქიდან-თბილისში.
ტბა დიდი ოქროწყალი ნაკლებად ცნობილი და ერთ-ერთი ულამაზესი სანახაობაა საქართველოში. კავკასიონის მთებში ჩამალული გასაოცარი სილამაზე, ცივილიზაციისაგან მოშორებული ხეობები, მთის ანკარა მდინარეები და კლდოვანი მწვერვალები ნამდვილად აჯადოვებს მნახველს და ამ 3 დღიან ტურსაც დიდებულ მოგზაურობად აქცევს.
თბილისიდან 8 საათის მგზავრობის შემდეგ, სვანეთის ერთ-ერთი სოფლიდან დავიყწებთ მგზავრობას მაღალი გამავლობის სატვირთო მანქანით. დაახლოებით 3 საათი მთის გრუნტის გზაზე ვიმგზავრებთ, შემდეგ კი გზას ფეხით გავაგრძელებთ ტყის ბილიკზე. მაღალი ბალახებით დაფარული მინდორი დასრულდება მდინარესთან, რომელსაც გადავკვეთთ. მდინარის შემდეგ ბილიკი ალპურ მდელოებს მიუყვება სამხრეთით. მკვეთრი და რთული აღმართის დაძლევის შემდეგ მივადგებით ულამაზეს ოქროწყლის ტბას, რომელიც გარშემორტყმულია კლდოვანი მწვერვალებით. ტბიდან მარშრუტი ბრუნდება უკან, წინა დღეებში გავლილ ბილიკზე, საიდანაც სატვირთო ავტომობილით დავბრუნდებით ცივილიზაციაში, იქინდან კი ტრანსპორტით – თბილისში.
ღამისთევა კარვებში. 2 ღამე.
მე-2 დღე: ტბა დიდი ოქროწყალი დილით 08:00 საათზე ვსაუზმობთ და გავუყვებით ბილიკს ალპურ ზონაში. გზად გვხვდება მკვეთრი აღმართიც, 500 მეტრიანი სიმაღლის ცვალებადობით. ამ აღმართის დაძლევის შემდეგ მივადგებით ტბას, სადაც დავბანაკდებით და ღამეს გავათევთ, ზღვის დონიდან დაახლოებით 2400 მეტრზე. სულ მეორე დღეს გასავლელი მანძილი -4.5 კმ.
აღჭურვილობის ტარება მოგიწევთ საკუთარი ზურგით, ამიტომაც წამოიღეთ მხოლოდ ის ნივთები, რაც აუცილებელია. ჩაიცვით კომფორტული სალაშქრო ფეხსაცმელი კოჭის მაფიქსირებელი შესაკრავით. სასურველია სალაშქრო, სწრაფშრობადი ტანსაცმელი და წინდები. ქვემოთ ჩამოთვლილი ნივთების სია დაგეხმარებათ გახდეს თქვენი ლაშქრობა უფრო კომფორტული და სასიამოვნო.
მოქმედი პასპორტი.
