მაჭის ციხე

Name: მაჭის ციხე
Brand: მაჭის ციხე
SKU: 4281
Availability: InStock
Rating: 0 (0 reviews)

Book This Tour

12 Hours

Age 12+

All Months

Availability 6

ტურის ზოგადი აღწერა:

ტყით დაფარული, მარტივი და სასიამოვნო ბილიკი ლაგოდეხის ეროვნულ პარკში. ცივილიზაციისაგან მოშორებით, ტყეში ჩაფლული მაჭის ციხის ნანგრევების მონახულება განტვირთვის დიდებული საშუალებაა ნებისმიერი მსურველისათვის. მდინარის ჭალაში გამავალი ბილიკი მიუყვება სუროთი დაფარულ ხეებს და სრულდება შუა საუკუნეების ციხესიმაგრის ნანგრევებთან.

ხანგრძლივობა – 1 დღე

ჯგუფში ადამიანების რაოდენობა – 4-12

სირთულე – 1/5

სირთულე – 1/5*

აღნიშნული ტურის მონაწილეებს მოუწევთ მარტივი მარშრუტის გავლა, რომელიც შეფასებულია 5-დან 1 ვარსკვლავით [1/5]. ჯგუფის წევრები უნდა იყვნენ ქალაქგარეთ სიარულისთვის შესაბამისი ფიზიკური მონაცემემების მქონენი. მათ უნდა იმოგზაურონ ისეთ ადგილებში, რომლებიც მთავარი დასახლებული პუნქტებისგან მოშორებით მდებარეობს. ასევე, დღის განმავლობაში მოუწევთ რამდენიმე კილომეტრის დაფარვა მარტივ, სანახაობრივ სალაშქრო მარშრუტზე. საფეხმავლო ბილიკები შესაძლოა იყოს ტალახიანი, ზოგიერთ ადგილზე ბილიკი იყოს ვიწრო, სიმაღლის უმნიშვნელო ცვალებადობით. შესაბამისად, მონაწილეების უნდა ჰქონდეთ შესაბამისი განწყობა, მზაობა და მოლოდინი მიიღონ სასიამოვნო ემოციები ბუნებასთან ურთიერთობით.

ჩვენ გირჩევთ, ტურის დაწყებამდე მინიმუმ სამი თვით ადრე რეგულარულად ივარჯიშოთ იმისათვის, რომ მაქსიმალური სიამოვნება მიიღოთ ლაშქრობისგან და თავიდან აირიდოთ კუნთების ტკივილი. რეკომენდირებული ვარჯიშებია: ჰაიკინგი(hiking), მარტივი ბექფექინგი(backpacking), სირბილი, ველოსიპედით სიარული და/ან ცურვა. ასევე, ჩვენ გირჩევთ, რომ არ გაუშვათ ხელიდან მთებში მოგზაურობის შესაძლებლობა!

ტურის ღირსშესანიშნაობები:

ლაგოდეხის ეროვნული პარკი;
მდინარე მაწიმის ჭალები;
სასიამოცვნო ტყის ბილიკი;
მაჭის ციხის ნანგრევები;

მარშრუტი დღეების მიხედვით:

1-ლი დღე: მაჭის ციხე

დილით ადრე 09:00 გავდივართ თბილისიდან აღმოსავლეთით, კახეთისკენ. მგზავრობას დაჭირდება დაახლოებით 2.5-3 საათი. სოფ. მაწიმში დავტოვებთ ტრანსპორტს, წავიხემსებთ, მოვისმენთ ინსტრუქტაჟს და შევალთ ლაგოდეხის დაცულ ტერიტორიებზე. ბილიკი მიუყვება მცენარეულობით დაფარულ მდინარის ნაპირებს. გვიწევს რამდენიმე პატარა ნაკადულის გადალახვა. გზად შეგვხვდება სასაზღვრო პოლიციის საგუშაგო, სადაც გავივლით რეგისტრაციას. რეგისტრაციისათვის დაგვჭირდება მოქმედი პასპორტი. რეგისტრაციის შემდეგ გავაგრძელებთ გზას და მივალთ შუა საუკუნეების ციხესიმაგრის ნანგრევებთან, რომელიც დღეს ხვიარა მცენარეებით არის დაფარული. ტურის მთავარ ღირსშესანიშნაობას წარმოადგენს ტყის სასიამოვნო ბილიკი. მაჭის ციხესთან დავისვენებთ, ვისადილებთ და დავბრუნდებით უკან, სოფელ მაწიმში, საიდანაც ტრანსპორტით გამოვემგზავრებით თბილისში. სულ გასავლელი მანძილი – 9 კმ.

საჭირო და აუცილებელი აღჭურვილობა:

აღჭურვილობის ტარება მოგიწევთ საკუთარი ზურგით, ამიტომაც წამოიღეთ მხოლოდ ის ნივთები, რაც აუცილებელია. ჩაიცვით მოხერხებული სალაშქრო ფეხსაცმელი კოჭის მაფიქსირებელი შესაკრავით. ქვემოთ ჩამოთვლილი ნივთების სია დაგეხმარებათ გახდეს თქვენი ლაშქრობა უფრო კომფორტული და სასიამოვნო.