კეთილი იყოს შენი ორივე ფეხი ყველაზე მწვანე და ლაღი კომპანიის გვერდზე.
Green Zebra ტურისტული კომპანიაა, რომელიც 2015 წლიდან ანებივრებს მომხმარებელს ყველაზე საინტერესო, მრავალფეროვანი ტურებით, ზოლიანი თავგადასავლებითა და მარშრუტებით. უფრო კონკრეტულად კი, ჩვენ გთავაზობთ ბუნებაში გასეირნებას, საქართველოს საოცარ ხედებს, კარავში ძილს, ჩანჩქერებზე დაშვებას, სველ და ადრენალინით სავსე კანიონებს, იოგას ტყეში, კამკამა და ალპურ ტბებს და მთის კერძებს.
დღეს, Green Zebra ქართული ტურისტული და განსაკუთრებით სალაშქრო სფეროს ერთ-ერთი ლიდერი კომპანიაა და აერთიანებს ტურიზმის ისეთ მიმართულებებს, როგორებიცაა:
1. ლაშქრობა – ყველასგან განსხვავებული, მუდმივად განახლებადი სალაშქრო მარშრუტები საქართველოს მაღალ თუ დაბალმთიან რეგიონებში;
2. ექსკურსია( #მსუბუქი ) – პოპულარული, ყველასათვის ცნობილი და ყველაზე მოთხოვნადი მარტივი ტურები მათთვის, ვისაც ფეხით სიარულს კომფორტული მგზავრობა ურჩევნია.
3. კულინარია – საქართველოს სხვადასხვა კუთხის, ადგილობრივი მოსახლეობის მიერ მომზადებული უგემრიელესი კერძების გაცნობა–დაგემოვნება.
4. #ჩანჩქერინგი – ჩანჩქერებზე დაშვება სპეციალური აღჭურვილობით (სამთო ქამარი, თოკები) ყველა მსურველისთვის, ვისაც უნდა მიიღოს ადრენალინის ჭარბი დოზა. ეს არის უნიკალური პროდუქტი, რომელსაც აქამდე არ ჰქონია ანალოგი საქართველოში.
5. #კანიონინგი– ექსტრემალური გართობა წყალში. მხოლოდ მამაცებს და გამოცდილებს შეუძლიათ შეუერთდნენ ზოლიან კანიონერებს.
6. ურბანული და შავი ტურიზმი(#თუნგი) – თანამედროვე ცივილიზაციის მიტოვებული ნაშთები: ქარხნები, ბუნკერები, ობსერვატორიები და გვირაბები. ასევე მიტოვებული, დაჟანგებული სამხედრო და სამოქალაქო ტექნიკა. კეთილი იყოს თქვენი მობრძანება”სტალკერების” სამყაროში.
7. ეკოკლუბი (#ეკომანი) – აქვე მოქმედებს გარემოს დაცვითი მიმართულების მქონე ეკოკლუბი, რომელიც ორგანიზებას უკეთებს დასუფთავებისა და გამწვანების აქციებს.
ტურის დაგეგმვა და ორგანიზება ხდება შესაბამისი განათლებისა და კომპეტენციის მქონე პირების მიერ. უშუალოდ ტურებს კი უძღვებიან სახელმწიფო დიპლომის მქონე სერთიფიცირებული გიდები და გამოცდილი ინსტრუქტორები.
